ଦାମୋଦର ଜେନା ଜରିପଡା ସେବା ସମବାୟ ସମିତିର ନୂତନ ସଭାପତି
ତାରିଖ : ୬/୭(ପ୍ରବାହ ନିୟୁଜ) ଖୋର୍ଦ୍ଧା ଜିଲ୍ଲା ଜରିପଡା ସେବା ସମବାୟ ସମିତିର ନିର୍ବାଚନରେ ଦାମୋଦର ଜେନା ସଭାପତି ଭାବେ ନିର୍ବାଚିତ ହୋଇଛନ୍ତି । ଗତ ଜୁନ୍ ମାସ ୧୯ ତାରିଖ ଦିନ ଟାଙ୍ଗି ପୋଲିସର କଡା ସୁରକ୍ଷା ବ୍ୟବସ୍ଥା ମଧ୍ୟରେ ସମବାୟ ସମିତିର ନିର୍ବାଚନ ନିମନ୍ତେ ଭୋଟ୍ ଗ୍ରହଣ କରାଯାଇଥିଲା । ଜରିପଡା ସୋସାଇଟିର ସଭାପତି ନିମନ୍ତେ ଦୁଇ ପ୍ରମୁଖ ଦଳର ପାର୍ଥୀ ଦାମୋଦର ଜେନା ଏବଂ ବୃନ୍ଦାବନ ସାହୁ ନାମାଙ୍କନ ପତ୍ର ଦାଖଲ କରିଥିବା ବେଳେ ସମବାୟ ସମିତିର ମୋଟ ପନ୍ଦର ଜଣ ସଦସ୍ୟଙ୍କୁ ନେଇ ଭୋଟ ଗ୍ରହଣ କରାଯାଇଥିଲା ।
୧୫ ଜଣ ସଦସ୍ୟଙ୍କ ମଧ୍ୟରୁ ୧୪ ଜଣ ଭୋଟ ଦାନ ପ୍ରକ୍ରିୟାରେ ସାମିଲ ହୋଇ ନିଜର ମତଦାନ ସାବ୍ୟସ୍ତ କରିଥିବା ବେଳେ ସଭାପତି ଭବେ ୧୦ ଖଣ୍ଡ ଭୋଟ ପାଇ ଦାମୋଦର ଜେନା ବିଜୟ ଲାଭ କରିଥିଲେ । ତାଙ୍କର ନିକଟତମ ପ୍ରତିଦ୍ବନ୍ଦୀ ବୃନ୍ଦାବନ ସାହୁ ମାତ୍ର ଚାରି ଖଣ୍ଡ ଭୋଟ ପାଇ ପରାସ୍ତ ହୋଇଥିଲେ । ନୂତନ ସଭାପତି ଭାବେ ଦାମୋଦର ଜେନାଙ୍କୁ ପାଇ ଅଞ୍ଚଳ ବାସୀ ବେଶ୍ ଆନନ୍ଦ ଥିବା ଜଣାପଡ଼ୁଛି । ଏହି ନିର୍ବାଚନକୁ ଶାନ୍ତି ଶୃଙ୍ଖଳାର ସହ ସମାପନ କରିବା ପାଇଁ ଟାଙ୍ଗୀ ଥାନା ପକ୍ଷରୁ ପୋଲିସ୍ ବନ୍ଦୋବସ୍ତ କରିଥିଲା ।
