ବେଦାନ୍ତ ଆଲୁମିନିୟମ୍ ଡୁସେଲଡର୍ଫରେ ‘ଆଲୁମିନିୟମ୍ ୨୦୨୬’ରେ ନିଜର ବିଶ୍ୱସ୍ତରୀୟ ଗ୍ରାହକ ସମ୍ପର୍କକୁ ସୁଦୃଢ଼ କରିଛି

ଭୁବନେଶ୍ୱର, ଅକ୍ଟୋବର ୧୪, ୨୦୨୬:ଭାରତର ସର୍ବବୃହତ୍ ଆଲୁମିନିୟମ୍ ଉତ୍ପାଦକ ବେଦାନ୍ତ ଆଲୁମିନିୟମ୍ ଜର୍ମାନୀର ଡୁସେଲଡର୍ଫଠାରେ ଆୟୋଜିତ ଆଲୁମିନିୟମ୍ ଶିଳ୍ପର ଅନ୍ୟତମ ପ୍ରମୁଖ ଆନ୍ତର୍ଜାତିକ ପ୍ରଦର୍ଶନୀ ଓ ସମ୍ମିଳନୀ ‘ଆଲୁମିନିୟମ୍ ୨୦୨୬’ରେ ଅଂଶଗ୍ରହଣ କରିଛି। ଏହି ଅବସରରେ କମ୍ପାନୀ ବିଶ୍ୱସ୍ତରୀୟ ଗ୍ରାହକ, ଶିଳ୍ପ ସହଭାଗୀ ଓ ପ୍ରଯୁକ୍ତିବିଦ୍ୟା କ୍ଷେତ୍ରର ସହଯୋଗୀମାନଙ୍କ ସହ ଆଲୋଚନା କରିବା ସହ ବଜାରର ପରିବର୍ତ୍ତିତ ଆବଶ୍ୟକତା ବୁଝିବା, ନୂତନ ବ୍ୟବସାୟିକ ସୁଯୋଗ ଅନ୍ୱେଷଣ ଏବଂ ଆନ୍ତର୍ଜାତିକ ସହଭାଗିତାକୁ ସୁଦୃଢ଼ କରିବାର ସୁଯୋଗ ପାଇଛି।

ଏହି ପଦକ୍ଷେପ ମାଧ୍ୟମରେ ମୂଲ୍ୟଯୁକ୍ତ ଆଲୁମିନିୟମ୍ ଉତ୍ପାଦର ପରିସର ବୃଦ୍ଧି, କମ୍ କାର୍ବନ୍ ନିର୍ଗମନଯୁକ୍ତ ସମାଧାନର ବିକାଶ ଏବଂ ବିଶ୍ୱ ବଜାରରେ ପରିବେଶ ଅନୁକୂଳ ସାମଗ୍ରୀର ବର୍ଦ୍ଧିତ ଚାହିଦା ପୂରଣ ଉପରେ କମ୍ପାନୀର ଗୁରୁତ୍ୱ ପ୍ରତିଫଳିତ ହୋଇଛି।

ପ୍ରଦର୍ଶନୀରେ ହୋଇଥିବା ଆଲୋଚନାରେ ପରିବର୍ତ୍ତିତ ବଜାର ପରିସ୍ଥିତି ମଧ୍ୟରେ ଆଲୁମିନିୟମ୍ ଶିଳ୍ପର ନୂତନ ପ୍ରାଥମିକତା ଉପରେ ଗୁରୁତ୍ୱ ଦିଆଯାଇଥିଲା। ଏଥିରେ ଯୋଗାଣ ଶୃଙ୍ଖଳର ସ୍ଥିରତା, ସ୍ଥାୟୀ ବିକାଶ, ଉତ୍ପାଦର ଗୁଣବତ୍ତା, ବୈଷୟିକ ନବସୃଜନ ଓ ବଜାର ପ୍ରତିଯୋଗିତା କ୍ଷମତା ଭଳି ପ୍ରମୁଖ ବିଷୟ ସ୍ଥାନ ପାଇଥିଲା। ଏଥିସହ କମ୍ କାର୍ବନ୍ ନିର୍ଗମନଯୁକ୍ତ ଆଲୁମିନିୟମ୍, ନିର୍ଭରଯୋଗ୍ୟ ଯୋଗାଣ ବ୍ୟବସ୍ଥା ଓ ବିଭିନ୍ନ ଶିଳ୍ପର ଆବଶ୍ୟକତା ଅନୁଯାୟୀ ସ୍ୱତନ୍ତ୍ର ଉତ୍ପାଦ ଯୋଗାଇବା ଉପରେ ମଧ୍ୟ ଆଲୋଚନା ହୋଇଥିଲା।

ବେଦାନ୍ତ ଆଲୁମିନିୟମ୍ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରାଜେଶ କୁମାର କହିଛନ୍ତି, “ସ୍ଥାୟୀ ସାମଗ୍ରୀର ବର୍ଦ୍ଧିତ ଚାହିଦା, ସୁଦୃଢ଼ ଯୋଗାଣ ଶୃଙ୍ଖଳ ଓ ଉନ୍ନତ ଉତ୍ପାଦନ ପ୍ରୟୋଗ ଯୋଗୁଁ ବିଶ୍ୱ ଆଲୁମିନିୟମ୍ ଶିଳ୍ପରେ ବ୍ୟାପକ ପରିବର୍ତ୍ତନ ଘଟୁଛି। ଗ୍ରାହକମାନେ ଏବେ ବୃହତ୍ ପରିମାଣରେ ଉଚ୍ଚମାନର ଉତ୍ପାଦ, ନିର୍ଭରଯୋଗ୍ୟ ସେବା ଓ ନବସୃଜନ ପ୍ରଦାନ କରିପାରୁଥିବା ସହଯୋଗୀଙ୍କୁ ଅଧିକ ପସନ୍ଦ କରୁଛନ୍ତି। ଏହା ଉତ୍ପାଦରେ ବିଶେଷତ୍ୱ ଆଣିବା ଓ ଦୃଢ଼ ସହଯୋଗିତା ମାଧ୍ୟମରେ ଅଧିକ ମୂଲ୍ୟ ସୃଷ୍ଟି କରିବାର ସୁଯୋଗ ଖୋଲିଛି। ବେଦାନ୍ତ ଆଲୁମିନିୟମ୍ ଗ୍ରାହକଙ୍କ ସହ ସମ୍ପର୍କକୁ ଆହୁରି ମଜବୁତ କରିବା, ମୂଲ୍ୟଯୁକ୍ତ ଉତ୍ପାଦର ପରିସର ବଢ଼ାଇବା ଏବଂ ବିଶ୍ୱର ବିଭିନ୍ନ ଶିଳ୍ପର ପରିବର୍ତ୍ତିତ ଆବଶ୍ୟକତା ଅନୁଯାୟୀ ସମାଧାନ ଯୋଗାଇବା ଉପରେ ନିରନ୍ତର ଗୁରୁତ୍ୱ ଦେଉଛି।”

୬୦ରୁ ଅଧିକ ଦେଶରେ ଗ୍ରାହକଙ୍କ ସହ ବ୍ୟବସାୟିକ ସମ୍ପର୍କ ରଖିଥିବା ବେଦାନ୍ତ ଆଲୁମିନିୟମ୍ ବିଭିନ୍ନ ପ୍ରକାରର ପ୍ରାଥମିକ ଓ ମୂଲ୍ୟଯୁକ୍ତ ଆଲୁମିନିୟମ୍ ଉତ୍ପାଦ ମାଧ୍ୟମରେ ଅନେକ ଶିଳ୍ପକୁ ସେବା ଯୋଗାଉଛି। ଏହାର ଉତ୍ପାଦ ମଧ୍ୟରେ ବିଲେଟ୍, ତାର ତିଆରି ପାଇଁ ଆଲୁମିନିୟମ୍ ରଡ୍, ଫାଉଣ୍ଡ୍ରି ଆଲୟ ଏବଂ ବିଶେଷ ଉପଯୋଗ ପାଇଁ ପ୍ରସ୍ତୁତ ଆଲୁମିନିୟମ୍ ସାମଗ୍ରୀ ରହିଛି। ଏହି ଉତ୍ପାଦଗୁଡ଼ିକ ମୋଟରଯାନ, ବିଦ୍ୟୁତ୍, ଭିତ୍ତିଭୂମି, ଅକ୍ଷୟ ଶକ୍ତି ଓ ଉନ୍ନତ ଉତ୍ପାଦନ ଭଳି କ୍ଷେତ୍ରରେ ବ୍ୟବହୃତ ହେଉଛି। ଆନ୍ତର୍ଜାତିକ ବଜାରରେ ଗ୍ରାହକଙ୍କ ବଦଳୁଥିବା ଆବଶ୍ୟକତାକୁ ଦୃଷ୍ଟିରେ ରଖି କମ୍ପାନୀ ଉତ୍ପାଦର ଗୁଣବତ୍ତା ବୃଦ୍ଧି, ବୈଷୟିକ ମାନ୍ୟତା ପ୍ରକ୍ରିୟାକୁ ତ୍ୱରାନ୍ୱିତ କରିବା ଓ ଗ୍ରାହକଙ୍କ ଆବଶ୍ୟକତା ଅନୁରୂପ ସମାଧାନ ବିକାଶ ଉପରେ କାର୍ଯ୍ୟ କରୁଛି।

ପ୍ରଦର୍ଶନୀରେ ପରିବେଶ ସୁରକ୍ଷା ଓ ସ୍ଥାୟୀ ବିକାଶ ଏକ ପ୍ରମୁଖ ଆଲୋଚ୍ୟ ବିଷୟ ଥିଲା। ଅକ୍ଷୟ ଶକ୍ତିର ବ୍ୟବହାର, ସମ୍ପଦର ପୁନଃଚକ୍ରଣ, ପୁନଃବ୍ୟବହୃତ ଆଲୁମିନିୟମ୍ର ଅଂଶ ବୃଦ୍ଧି ଏବଂ କାର୍ବନ୍ ନିର୍ଗମନ ହ୍ରାସ ଉପରେ ବିଶେଷ ଆଲୋଚନା ହୋଇଥିଲା। ଯୋଗାଣ ଶୃଙ୍ଖଳରେ ଦାୟିତ୍ୱପୂର୍ଣ୍ଣ ଉତ୍ସରୁ ସାମଗ୍ରୀ ସଂଗ୍ରହ ଓ ସ୍ୱଚ୍ଛତାକୁ ଗ୍ରାହକମାନେ ଅଧିକ ଗୁରୁତ୍ୱ ଦେଉଥିବାରୁ ଆଲୁମିନିୟମ୍ ଉତ୍ପାଦନଠାରୁ ଆରମ୍ଭ କରି ଏହାର ବ୍ୟବହାର ପର୍ଯ୍ୟନ୍ତ ସମଗ୍ର ମୂଲ୍ୟ ଶୃଙ୍ଖଳରେ କାର୍ବନ୍ ନିର୍ଗମନ ହ୍ରାସ ପାଇଁ ସହଯୋଗିତାର ଗୁରୁତ୍ୱ ବଢ଼ୁଥିବା ଏହି ଆଲୋଚନାରୁ ସ୍ପଷ୍ଟ ହୋଇଛି।

ଏହାବ୍ୟତୀତ, ମୋଟରଯାନର ବିଦ୍ୟୁତୀକରଣ, ବିଦ୍ୟୁତ୍ ପରିବହନ, ଅକ୍ଷୟ ଶକ୍ତି ଓ ଅନ୍ୟାନ୍ୟ ଦ୍ରୁତ ବିକାଶଶୀଳ କ୍ଷେତ୍ରରେ ଉଦୀୟମାନ ବ୍ୟବସାୟିକ ସୁଯୋଗ ସମ୍ପର୍କରେ ମଧ୍ୟ ପ୍ରଦର୍ଶନୀରେ ମତବିନିମୟ ହୋଇଥିଲା। ଗ୍ରାହକଙ୍କ ବଦଳୁଥିବା ଆଶା ପୂରଣ ପାଇଁ ନବସୃଜନ, ବୈଷୟିକ ସହଯୋଗ ଓ ନିର୍ଭରଯୋଗ୍ୟ ଯୋଗାଣର ଆବଶ୍ୟକତାକୁ ଏହି ଆଲୋଚନା ଗୁରୁତ୍ୱ ଦେଇଛି।

ବାର୍ଷିକ ୨୪ ଲକ୍ଷ ଟନ୍ରୁ ଅଧିକ ଉତ୍ପାଦନ କ୍ଷମତା ସହ ଭାରତର ସର୍ବବୃହତ୍ ଆଲୁମିନିୟମ୍ ଉତ୍ପାଦକ ଭାବେ ବେଦାନ୍ତ ଆଲୁମିନିୟମ୍ ବିଶ୍ୱ ବଜାରର ଏହି ଅଭିଜ୍ଞତା ଓ ଆଲୋଚନାରୁ ମିଳିଥିବା ତଥ୍ୟକୁ ଉପଯୋଗ କରି ଗ୍ରାହକଙ୍କ ସହଭାଗିତାକୁ ଆହୁରି ସୁଦୃଢ଼ କରିବା ସହ ବିଶ୍ୱର ବିଭିନ୍ନ ଶିଳ୍ପକୁ ଉଚ୍ଚମାନର ଆଲୁମିନିୟମ୍ ସମାଧାନ ଯୋଗାଇବା ଦିଗରେ ନିଜର ପ୍ରୟାସ ଜାରି ରଖିଛି।