ସ୍ୱଚ୍ଛତା ହିଁ ସେବା ୨୦୨୬ ଅଧୀନରେ ଧାମରା ପୋର୍ଟ ପକ୍ଷରୁ ସାମୂହିକ ସଫେଇ ଅଭିଯାନ
ଧାମରା, ୩ ଅକ୍ଟୋବର ୨୦୨୬: ସ୍ୱଚ୍ଛତା ହିଁ ସେବା ୨୦୨୬ ଅଭିଯାନ ଅଧୀନରେ ପରିବେଶ ସୁରକ୍ଷା, ସାମୂହିକ ଅଂଶଗ୍ରହଣ ଏବଂ ସ୍ଥାୟୀ ବିକାଶ ପ୍ରତି ନିଜର ପ୍ରତିବଦ୍ଧତାକୁ ଆହୁରି ସୁଦୃଢ଼ କରିବା ଉଦ୍ଦେଶ୍ୟରେ ଧାମରା ପୋର୍ଟ କମ୍ପାନୀ ଲିମିଟେଡ୍ (ଡିପିସିଏଲ୍) ପକ୍ଷରୁ ଧାମରାଇ ମନ୍ଦିର ପରିସରରେ ଏକ ସାମୂହିକ ସଫେଇ ଅଭିଯାନ ଆୟୋଜିତ ହୋଇଥିଲା।
ଚଳିତ ବର୍ଷର “ସ୍ୱଚ୍ଛତା ମେଁ ସହଭାଗ, ସ୍ୱଚ୍ଛ ଭାରତ, ବିକଶିତ ଭାରତ” ବାର୍ତ୍ତାକୁ ଆଧାର କରି ଆୟୋଜିତ ଏହି ଅଭିଯାନ ମାଧ୍ୟମରେ ଏକ ସରଳ କିନ୍ତୁ ଗୁରୁତ୍ୱପୂର୍ଣ୍ଣ ବାର୍ତ୍ତା ଦିଆଯାଇଥିଲା—”ସାମୂହିକ ପ୍ରୟାସ ଏବଂ ନିରନ୍ତର ଦାୟିତ୍ୱବୋଧ ମାଧ୍ୟମରେ ହିଁ ସ୍ୱଚ୍ଛ ଓ ସୁସ୍ଥ ସମୁଦାୟ ଗଠନ ସମ୍ଭବ। “
ଏହି ସଫେଇ ଅଭିଯାନରେ ଡିପିସିଏଲ୍ର କର୍ମଚାରୀ, ବ୍ୟବସାୟିକ ସହଯୋଗୀ ଏବଂ ଠିକା ଶ୍ରମିକଙ୍କ ସମେତ ପ୍ରାୟ ୧୨୦ ଜଣ ପ୍ରତିନିଧି ସକ୍ରିୟ ଭାବେ ଅଂଶଗ୍ରହଣ କରିଥିଲେ। ସେମାନଙ୍କର ସକ୍ରିୟ ସହଯୋଗ ଏହି ଅଭିଯାନକୁ ସଫଳ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲା। ମନ୍ଦିର ପରିସର ଏବଂ ଏହାର ଆଖପାଖ ଅଞ୍ଚଳର ସ୍ୱଚ୍ଛତା ବୃଦ୍ଧି ସହିତ ଦାୟିତ୍ୱପୂର୍ଣ୍ଣ ଭାବେ ବର୍ଜ୍ୟବସ୍ତୁ ପରିଚାଳନା ଏବଂ ସ୍ୱଚ୍ଛ ସାର୍ବଜନୀନ ସ୍ଥାନର ଗୁରୁତ୍ୱ ସମ୍ପର୍କରେ ସଚେତନତା ସୃଷ୍ଟି ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ ଥିଲା।
ଏହି ଅଭିଯାନ ମାଧ୍ୟମରେ ସ୍ଥାନୀୟ ସମୁଦାୟ ସହ ଯୋଡ଼ି ହେବା ସହିତ ସ୍ୱଚ୍ଛତା ପ୍ରତି ସାମୂହିକ ଦାୟିତ୍ୱବୋଧର ଗୁରୁତ୍ୱକୁ ପ୍ରାଧାନ୍ୟ ଦିଆଯାଇଥିଲା। ସ୍ୱଚ୍ଛତା କେବଳ ଗୋଟିଏ ଦିନର କାର୍ଯ୍ୟକ୍ରମ ନୁହେଁ, ବରଂ ଏହା ଏକ ନିରନ୍ତର ଅଭ୍ୟାସ ଏବଂ ସମସ୍ତଙ୍କର ସାମୂହିକ ଦାୟିତ୍ୱ—ଏହି ବାର୍ତ୍ତାକୁ ମଧ୍ୟ ଅଭିଯାନ ମାଧ୍ୟମରେ ପ୍ରସାରିତ କରାଯାଇଥିଲା। ଏହି ଅଭିଯାନରେ ମନ୍ଦିର ପରିସର ଏବଂ ଏହାର ଆଖପାଖ ଅଞ୍ଚଳରୁ ପ୍ରାୟ ୪୬୦ କିଲୋଗ୍ରାମ୍ ବର୍ଜ୍ୟବସ୍ତୁ ଓ ଆବର୍ଜନା ସଂଗ୍ରହ କରାଯାଇଥିଲା। ସାମୂହିକ ଓ ସମନ୍ୱିତ ପ୍ରୟାସ ମାଧ୍ୟମରେ ସ୍ୱଚ୍ଛତା କ୍ଷେତ୍ରରେ କିପରି ପ୍ରତ୍ୟକ୍ଷ ପରିବର୍ତ୍ତନ ଆଣିହେବ, ଏହା ତାହାର ଏକ ଉଦାହରଣ।
ଆଦାନୀ ଧାମରା ପୋର୍ଟ, ସ୍ଥାନୀୟ ସମୁଦାୟ ସହ ସହଭାଗୀ ହୋଇ ପରିବେଶ ପ୍ରତି ଦାୟିତ୍ୱବୋଧ, ସାମାଜିକ କଲ୍ୟାଣ ଏବଂ ସ୍ଥାୟୀ ବିକାଶକୁ ପ୍ରୋତ୍ସାହନ ଦେଉଥିବା ବିଭିନ୍ନ ପଦକ୍ଷେପକୁ ଆଗକୁ ନେବା ପାଇଁ ନିଜର ପ୍ରତିବଦ୍ଧତାକୁ ଜାରି ରଖିଛି।
