ଆଗୁଆ ପ୍ରସ୍ତୁତି ଏବଂ ଏକ ସମର୍ପିତ କର୍ମଚାରୀ ଦଳର ପ୍ରଚେଷ୍ଟାରେ ରଥଯାତ୍ରାରେ ଭରସାଯୋଗ୍ୟ ବିଦ୍ୟୁତ ଯୋଗାଣ ସୁନିଶ୍ଚିତ କରିପାରିଛି ଟିପିସିଓଡିଏଲ୍
ଟାଟା ପାୱାର ଏବଂ ଓଡ଼ିଶା ସରକାରଙ୍କ ଏକ ଯୌଥ ଉଦ୍ୟୋଗ ଟିପି ସେଣ୍ଟ୍ରାଲ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ (ଟିପିସିଓଡିଏଲ୍), ୨୦୨୬ ରଥଯାତ୍ରା ସମୟରେ ସୁରକ୍ଷିତ, ଭରସାଯୋଗ୍ୟ ଏବଂ ନିରବଚ୍ଛିନ୍ନ ବିଦ୍ୟୁତ ଯୋଗାଣ ସଫଳତାର ସହ ସୁନିଶ୍ଚିତ କରିଛି, ଯାହା ବିଶ୍ୱର ଅନ୍ୟତମ ବୃହତ୍ତମ ଆଧ୍ୟାତ୍ମିକ ସମାବେଶକୁ ସୁଚାରୁରୂପେ ପରିଚାଳନା କରିବାରେ ସାହାଯ୍ୟ କରିଛି । ଏହି ବର୍ଷ, ୨୦୨୬ ରଥଯାତ୍ରା ସମୟରେ ପୁରୀରେ ଅଭୂତପୂର୍ବ ଭାବେ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ଏତେ ବଡ଼ ପରିଚାଳନାଗତ ଚାପ ସତ୍ତ୍ୱେ, ଟିପିସିଓଡିଏଲ୍ କୌଣସି ବଡ଼ ଧରଣର ବିଦ୍ୟୁତ ବ୍ୟାଘାତ ନହେବାକୁ ଦେଇ ସମଗ୍ର ସହରରେ ନିରବଚ୍ଛିନ୍ନ
ବିଦ୍ୟୁତ ଯୋଗାଣ ବଜାୟ ରଖିଥିଲା । ମାସ ମାସର ଆଗୁଆ ଯୋଜନା, ସବଷ୍ଟେସନ୍ ଏବଂ ଟ୍ରାନ୍ସଫର୍ମର ଗୁଡ଼ିକର ସୁଦୃଢ଼ୀକରଣ, ଆଗୁଆ ରକ୍ଷଣାବେକ୍ଷଣ, ଭୂତଳ କେବୁଲ୍ ବିଛାଇବା, ବିତରଣ ଲାଇନ୍ ସୁଦୃଢ଼ କରିବା ଏବଂ ରିଅଲ-ଟାଇମ୍ ନେଟୱାର୍କ ମନିଟରିଂ ଯୋଗୁଁ ଶ୍ରୀମନ୍ଦିର, ବଡ଼ଦାଣ୍ଡ, ଗୁଣ୍ଡିଚା ମନ୍ଦିର, ଡାକ୍ତରଖାନା, ପୋଲିସ କାର୍ଯ୍ୟାଳୟ, ଜରୁରୀକାଳୀନ ସେବା ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଭିତ୍ତିଭୂମି ଗୁଡ଼ିକୁ ଅବିରତ ବିଦ୍ୟୁତ ସେବା ମିଳିପାରିଥିଲା । ୮୦୦ ରୁ ଅଧିକ ଇଞ୍ଜିନିୟର, ଅଫିସର, ଲାଇନମ୍ୟାନ ଏବଂ ଫିଲ୍ଡ କର୍ମଚାରୀଙ୍କୁ ଦିନରାତି ୨୪ ଘଣ୍ଟା ନିୟୋଜିତ କରାଯାଇଥିଲା ଏବଂ ତାଲାବଣିଆସ୍ଥିତ ସେଣ୍ଟ୍ରାଲ ମାଷ୍ଟର କଣ୍ଟ୍ରୋଲ ରୁମ୍, ଡିଜିଟାଲ କମାଣ୍ଡ ସେଣ୍ଟର ଓ ଅନ୍ୟାନ୍ୟ କଣ୍ଟ୍ରୋଲ ରୁମ୍ ମାଧ୍ୟମରେ କାର୍ଯ୍ୟଗୁଡ଼ିକର ତଦାରଖ କରାଯାଉଥିଲା ।
ଟିପିସିଓଡିଏଲ୍ ଗୁଣ୍ଡିଚା ମନ୍ଦିର ନିକଟରେ ଥିବା ତା\’ର ସୌର ସଚେତନତା ଷ୍ଟଲ୍ ମାଧ୍ୟମରେ ସ୍ୱଚ୍ଛ ଶକ୍ତିର ପ୍ରଚାର ମଧ୍ୟ କରିଥିଲା, ଯେଉଁଠାରେ ହଜାର ହଜାର ଦର୍ଶକ ପିଏମ୍ ସୂର୍ଯ୍ୟ ଘର: ମୁଫ୍ତ ବିଜିଲି ଯୋଜନା, ୟୁଟିଲିଟି-ଲେଡ୍ ଏଗ୍ରିଗେସନ (ୟୁଏଲଏ) ମଡେଲ, ରୁଫଟପ୍ ସୋଲାର, ସ୍ମାର୍ଟ ମିଟର, ଡିଜିଟାଲ ସେବା, ଅନଲାଇନ୍ ବିଲ୍ ପରିଶୋଧ, ଶକ୍ତି ସଂରକ୍ଷଣ ଏବଂ ବିଦ୍ୟୁତ ସୁରକ୍ଷା ବିଷୟରେ ଜାଣିବାକୁ ପାଇଥିଲେ । ଟିମ୍ର ପ୍ରଚେଷ୍ଟାକୁ ପ୍ରଶଂସା କରି ଟିପିସିଓଡିଏଲ୍ର ସିଇଓ ଶ୍ରୀ ଗଜାନନ ଏସ. କାଲେ କହିଛନ୍ତି ଯେ, “ସଠିକ୍ ଯୋଜନା, ଉନ୍ନତ ପ୍ରଯୁକ୍ତିବିଦ୍ୟା ଏବଂ ଆମର ନିଷ୍ଠାପର କର୍ମଚାରୀଙ୍କ ଅକ୍ଲାନ୍ତ ପରିଶ୍ରମ ଯୋଗୁଁ ୨୦୨୬ ରଥଯାତ୍ରା ସମୟରେ ସୁରକ୍ଷିତ, ଭରସାଯୋଗ୍ୟ ଏବଂ ନିରବଚ୍ଛିନ୍ନ ବିଦ୍ୟୁତ ଯୋଗାଣ ସୁନିଶ୍ଚିତ କରିପାରିଥିବାରୁ ଆମେ ଗର୍ବିତ । ମୁଁ ଆମର ଇଞ୍ଜିନିୟର, ଲାଇନମ୍ୟାନ, ଅଫିସର ଏବଂ ସହାୟକ କର୍ମଚାରୀଙ୍କ ସହିତ ଓଡ଼ିଶା ସରକାର, ପୁରୀ ଜିଲ୍ଲା ପ୍ରଶାସନ, ଶ୍ରୀମନ୍ଦିର ପ୍ରଶାସନ, ପୋଲିସ ପ୍ରଶାସନ ଏବଂ ସମସ୍ତ ସହଯୋଗୀଙ୍କୁ ସେମାନଙ୍କର ବହୁମୂଲ୍ୟ ସହଯୋଗ ପାଇଁ ଆନ୍ତରିକ ଧନ୍ୟବାଦ ଜଣାଉଛି ।” ୨୦୨୬ ରଥଯାତ୍ରା ସମୟରେ ବିଦ୍ୟୁତ ଯୋଗାଣ ବ୍ୟବସ୍ଥାର ସଫଳ କାର୍ଯ୍ୟକାରିତା, ନବସୃଜନ, ପରିଚାଳନାଗତ ଦକ୍ଷତା ଏବଂ ଜନସାଧାରଣଙ୍କ ସୁରକ୍ଷା ପ୍ରତି ଦୃଢ଼ ଅଙ୍ଗୀକାରବଦ୍ଧତା ମାଧ୍ୟମରେ ଏହିପରି ବୃହତ ଜାତୀୟ କାର୍ଯ୍ୟକ୍ରମଗୁଡ଼ିକ ପାଇଁ ବିଦ୍ୟୁତ ଭିତ୍ତିଭୂମି ପରିଚାଳନା କରିବାରେ ଟିପିସିଓଡିଏଲ୍ର ଦକ୍ଷତାକୁ ପୁଣି ଥରେ ପ୍ରମାଣିତ କରିଛି ।
