ଡାଲମିଆ ସିମେଣ୍ଟ ପକ୍ଷରୁ ଏକ୍ସପର୍ଟ ରଥ ଶିଳ୍ପକାର ସମ୍ମାନ’ର ୫ମ ସଂସ୍କରଣ ଅନୁଷ୍ଠିତ,ଓଡ଼ିଶାର ମୁଖ୍ୟ ରଥ ଶିଳ୍ପୀଙ୍କୁ ସମ୍ବର୍ଦ୍ଧନା

ପୁରୀ, ଜୁଲାଇ ୨୨, ୨୦୨୬: ଭାରତର ଅଗ୍ରଣୀ ସିମେଣ୍ଟ କମ୍ପାନୀଗୁଡ଼ିକ ମଧ୍ୟରୁ ଅନ୍ୟତମ ‘ଡାଲମିଆ ଭାରତ ଲିମିଟେଡ୍’ (DBL) ପକ୍ଷରୁ ‘ଏକ୍ସପର୍ଟ ରଥ ଶିଳ୍ପକାର ସମ୍ମାନ’ର ପଞ୍ଚମ ସଂସ୍କରଣ ଅନୁଷ୍ଠିତ ହୋଇଛି। ଓଡ଼ିଶାର ସାଂସ୍କୃତିକ ପରିଚୟ ସହ ଗଭୀର ଭାବେ ଜଡ଼ିତ ଏହି ଆଧ୍ୟାତ୍ମିକ ପରମ୍ପରାକୁ ଜୀବନ୍ତ ରଖିଥିବା ମୁଖ୍ୟ କାରିଗର ତଥା ‘ମହାରାଣା’ମାନଙ୍କୁ ଏହି ଅବସରରେ ସମ୍ମାନିତ କରାଯାଇଛି। କମ୍ପାନୀର ଫ୍ଲାଗସିପ୍ କାର୍ଯ୍ୟକ୍ରମ ‘ଅନରିଂ ଶିଳ୍ପକାର୍ସ’ (Honouring Shilpkars) ଅନ୍ତର୍ଗତ ଆୟୋଜିତ ଏହି ଭବ୍ୟ ଉତ୍ସବରେ, ଅନେକ ପିଢ଼ି ଧରି ପବିତ୍ର ରଥ ନିର୍ମାଣ ପରମ୍ପରାକୁ ଆଗେଇ ନେଉଥିବା ରଥ ଶିଳ୍ପୀମାନଙ୍କ ଅସାଧାରଣ ଦକ୍ଷତା, ନିଷ୍ଠା ଓ ଭକ୍ତିଭାବକୁ ସମ୍ମାନିତ କରାଯାଇଥିଲା। ଏହି କାର୍ଯ୍ୟକ୍ରମରେ ଚାରି ଜଣ ରଥ ଶିଳ୍ପୀଙ୍କୁ ସ୍ୱତନ୍ତ୍ର ଭାବେ ଉତ୍ତରୀୟ, ଟ୍ରଫି, ପାରମ୍ପରିକ ଧୋତି ଏବଂ ନଗଦ ୧୦,୦୦୦ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଥିଲା। ଏହି ଅଭିଯାନର ୫ ବର୍ଷ ପୂର୍ତ୍ତି ଉପଲକ୍ଷେ ଏକ ବିଶେଷ ପଦକ୍ଷେପ ସ୍ୱରୂପ, ଏପର୍ଯ୍ୟନ୍ତ ସମ୍ମାନିତ ହୋଇଥିବା ସମସ୍ତ ୨୦ ଜଣ ରଥ ଶିଳ୍ପୀଙ୍କୁ ନିମନ୍ତ୍ରଣ କରାଯାଇ ଉତ୍ତରୀୟ, ସ୍ମାରକୀ ଓ ପାରମ୍ପରିକ ଧୋତି ଦେଇ ସ୍ୱତନ୍ତ୍ର ଭାବେ ସମ୍ବର୍ଦ୍ଧିତ କରାଯାଇଥିଲା। ପୁରୀର ପବିତ୍ର ରଥ ସମ୍ମୁଖରେ ଏହି ସମ୍ବର୍ଦ୍ଧନା ସମାରୋହ ଆୟୋଜିତ ହୋଇଥିବାରୁ ଏହା ଅତ୍ୟନ୍ତ ବିଶେଷ ଗୁରୁତ୍ୱ ରହିଥିଲା, କାରଣ କାରିଗରମାନେ ସେହି ସ୍ଥାନରେ ହିଁ ସମ୍ମାନିତ ହୋଇଥିଲେ ଯେଉଁଠି ସେମାନଙ୍କ ଶିଳ୍ପକଳା ସର୍ବୋଚ୍ଚ ରୂପ ନେଇଥାଏ।

ଏହି ୫ମ ବର୍ଷର ସଫଳତାକୁ ସ୍ମରଣୀୟ କରିବା ପାଇଁ, ଡାଲମିଆ ଭାରତ, ଓଡ଼ିଶା ଡାକ ବିଭାଗ ସହଯୋଗରେ ଓଡ଼ିଶାର ରଥ ଶିଳ୍ପୀମାନଙ୍କ ଶିଳ୍ପକଳା ଓ ନିରନ୍ତର ଯୋଗଦାନକୁ ସମ୍ମାନ ଜଣାଇ ଏକ ସ୍ମାରକୀ ଡାକ ଟିକେଟ ଏବଂ ସ୍ୱତନ୍ତ୍ର ଡାକ କଭର ଉନ୍ମୋଚନ କରିଛି, ଯାହା ଡାକ ଟିକେଟ ସଂଗ୍ରହ ବ୍ୟବସ୍ଥା ମାଧ୍ୟମରେ ସେମାନଙ୍କ ଐତିହ୍ୟକୁ ସୁରକ୍ଷିତ ରଖିବ। ଗତ ପାଞ୍ଚ ବର୍ଷ ମଧ୍ୟରେ ‘ଏକ୍ସପର୍ଟ ରଥ ଶିଳ୍ପକାର ସମ୍ମାନ’ରେ ସମ୍ମାନିତ ସମସ୍ତ ୨୦ ଜଣ ରଥ ଶିଳ୍ପୀଙ୍କୁ ନେଇ କମ୍ପାନୀ ଏକ ସ୍ୱତନ୍ତ୍ର କଫି ଟେବୁଲ ବୁକ୍ ମଧ୍ୟ ପ୍ରକାଶ କରାଯାଇଛି।

ଏହି ଆଭିମୁଖ୍ୟ ପଛରେ ଡାଲମିଆ ଭାରତର ଚିନ୍ତାଧାରା ବିଷୟରେ ପ୍ରକାଶ କରି କମ୍ପାନୀର ପ୍ରବକ୍ତା କହିଛନ୍ତି, “ଆମେ ବିଶ୍ୱାସ କରୁ ଯେ ପ୍ରତ୍ୟେକ କ୍ଷେତ୍ରରେ ଦକ୍ଷତା ସମ୍ମାନର ଯୋଗ୍ୟ। ସେ ମଜବୁତ ଭିତ୍ତିଭୂମି ନିର୍ମାଣ ହେଉ କିମ୍ବା ଶତାବ୍ଦୀର ପୁରାତନ ପରମ୍ପରାକୁ ସୁରକ୍ଷା ହେଉ, ଉତ୍କର୍ଷତା ସଦାସର୍ବଦା ଦକ୍ଷତା, ଅନୁଶାସନ ଏବଂ ବର୍ଷ ବର୍ଷର ସାଧନାର ପରିଣାମ ହୋଇଥାଏ। ଗତ ପାଞ୍ଚ ବର୍ଷ ଧରି, ‘ଏକ୍ସପର୍ଟ ରଥ ଶିଳ୍ପକାର ସମ୍ମାନ’ ହେଉଛି ସେହି ମୁଖ୍ୟ କାରିଗରମାନଙ୍କୁ ଆମର ସମ୍ମାନ ଜଣାଇବାର ଏକ ଅନନ୍ୟ ମାଧ୍ୟମ, ଯାହାଙ୍କ ଶିଳ୍ପକଳା ରଥ ନିର୍ମାଣର ପବିତ୍ର ପରମ୍ପରାକୁ ଜୀବନ୍ତ ରଖିଛି ଏବଂ ଆଗାମୀ ବର୍ଷଗୁଡ଼ିକରେ ମଧ୍ୟ ଆମେ ଏହି ସମ୍ମାନ ପ୍ରଦାନ ଜାରି ରଖିବାକୁ ପ୍ରତିବଦ୍ଧ। ସ୍ମାରକୀ ଡାକ ଟିକେଟ ଓ ସ୍ୱତନ୍ତ୍ର ଡାକ କଭର ପାଇଁ ଆମ ସହ ସହଯୋଗ କରିଥିବାରୁ ଆମେ ଡାକ ବିଭାଗ ନିକଟରେ କୃତଜ୍ଞ। ଏହା ଓଡ଼ିଶାର ରଥ ଶିଳ୍ପୀମାନଙ୍କ ଅସାଧାରଣ ଐତିହ୍ୟକୁ ସମ୍ମାନିତ କରିବା ସହ ଭାରତର ସମୃଦ୍ଧ ସାଂସ୍କୃତିକ ଐତିହ୍ୟର ସୁରକ୍ଷା ଓ ଉତ୍ସବ ପାଳନରେ ଡାକ ଟିକେଟ ସଂଗ୍ରହର ମୂଲ୍ୟବୋଧକୁ ପୁନଃପ୍ରତିପାଦିତ କରୁଛି।” ଏକ୍ସପର୍ଟ ରଥ ଶିଳ୍ପକାର ସମ୍ମାନର ପଞ୍ଚମ ସଂସ୍କରଣ ଡାଲମିଆ ଭାରତର ‘ଦକ୍ଷତାର ସମ୍ମାନ’ ଯାତ୍ରାର ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ। ଭାରତର ଅମୂର୍ତ୍ତ ସାଂସ୍କୃତିକ ଐତିହ୍ୟର ସଂରକ୍ଷଣ ନେଇ ଚର୍ଚ୍ଚା ବଢ଼ୁଥିବା ବେଳେ, ଏହି ପଦକ୍ଷେପର ଉଦ୍ଦେଶ୍ୟ ହେଉଛି ମହାରଣା ଏବଂ ସମଗ୍ର ରଥ ଶିଳ୍ପକାର ସମ୍ପ୍ରଦାୟକୁ ସେମାନଙ୍କ ପ୍ରାପ୍ୟ ସମ୍ମାନ ପ୍ରଦାନ କରିବା। କାରଣ ସେମାନେ ପ୍ରତିବର୍ଷ କେବଳ ପବିତ୍ର ରଥ ନିର୍ମାଣ କରନ୍ତି ନାହିଁ, ବରଂ ଶତାବ୍ଦୀ ପୁରାତନ ପରମ୍ପରାକୁ ଆଗାମୀ ପିଢ଼ି ପାଇଁ ଜୀବନ୍ତ ରଖିବାରେ ପ୍ରୟାସରତ। ଡାଲମିଆ ଭାରତର ଓଡ଼ିଶା ସହ ସାତ ଦଶନ୍ଧିରୁ ଅଧିକ ସମୟର ଗଭୀର ଏବଂ ସୁଦୃଢ଼ ସମ୍ପର୍କ ରହିଛି। ରାଜ୍ୟର ଭିତ୍ତିଭୂମି ଓ ଶିଳ୍ପ ବିକାଶରେ ଦୀର୍ଘ ଦିନ ଧରି ଅବଦାନ ଥିବା ଏହି କମ୍ପାନୀ ସ୍ଥାନୀୟ ସମୁଦାୟର ଉନ୍ନତି ସହ ଓଡ଼ିଶାର ସମୃଦ୍ଧ ସାଂସ୍କୃତିକ ପରମ୍ପରାର ସଂରକ୍ଷଣ ଓ ପ୍ରୋତ୍ସାହନ ପାଇଁ ମଧ୍ୟ ସଦା ପ୍ରତିବଦ୍ଧ ରହିଆସିଛି।