ଟାଟା ଷ୍ଟିଲର ଯୋଡ଼ା ଇଷ୍ଟ ଲୁହାପଥର ଖଣିକୁ ପଲ୍ୟୁସନ କଣ୍ଟ୍ରୋଲ ଆପ୍ରିସିଏସନ ଆୱାର୍ଡ ୨୦୨୬ ସମ୍ମାନ

ଭୁବନେଶ୍ୱର, ସେପ୍ଟେମ୍ବର ୧୮,୨୦୨୬: ଓଡ଼ିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ଓଏସପିସିବି)ର ୪୩ତମ ପ୍ରତିଷ୍ଠା ଦିବସ ଅବସରରେ ଆଜି ଭୁବନେଶ୍ୱରସ୍ଥିତ ଓୟୁଏଟି ସମ୍ମିଳନୀ କକ୍ଷରେ ଆୟୋଜିତ କାର୍ଯ୍ୟକ୍ରମରେ ଟାଟା ଷ୍ଟିଲର ଯୋଡ଼ା ଇଷ୍ଟ ଲୁହାପଥର ଖଣିକୁ ପ୍ରତିଷ୍ଠିତ \”ପଲ୍ୟୁସନ କଣ୍ଟ୍ରୋଲ ଆପ୍ରିସିଏସନ ଆୱାର୍ଡ ୨୦୨୬\’ ପ୍ରଦାନ କରାଯାଇଛି ।

ମୁଖ୍ୟ ଅତିଥି ଭାବେ ଯୋଗ ଦେଇଥିବା ଓଡ଼ିଶା ସରକାରଙ୍କ ମାନ୍ୟବର ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ତଥା ଶ୍ରମ ଏବଂ କର୍ମଚାରୀ ରାଜ୍ୟ ବୀମା ମନ୍ତ୍ରୀ ଶ୍ରୀ ଗଣେଶ ରାମ ସିଂଖୁଣ୍ଟିଆଙ୍କ ଉପସ୍ଥିତିରେ ଏହି ପୁରସ୍କାର ପ୍ରଦାନ କରାଯାଇଥିଲା । ପ୍ରଧାନ ମୁଖ୍ୟ ବନ ସଂରକ୍ଷକ (ପିସିସିଏଫ) ଏବଂ ଓଡ଼ିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ଓଏସପିସିବି)ର ସଦସ୍ୟ ସଚିବ ମିଳିତ ଭାବେ ଏହି ସମ୍ମାନ ପ୍ରଦାନ କରିଥିଲେ ।

ଖଣି ପରିଚାଳନାରେ ପରିବେଶ ସୁରକ୍ଷା ପ୍ରତି ଥିବା ଉଲ୍ଲେଖନୀୟ ପ୍ରତିବଦ୍ଧତା ତଥା ବାୟୁର ଗୁଣବତ୍ତା ପରିଚାଳନା, ଜଳ ସଂରକ୍ଷଣ ଏବଂ ମୃତ୍ତିକା ସୁରକ୍ଷା କ୍ଷେତ୍ରରେ ଉଲ୍ଲେଖନୀୟ ଉତ୍କୃଷ୍ଟ କାର୍ଯ୍ୟଶୈଳୀର ନିରନ୍ତର ପ୍ରୟୋଗ ପାଇଁ ଏହି ସ୍ୱୀକୃତି ପ୍ରଦାନ କରାଯାଇଛି ।

ଏହି କାର୍ଯ୍ୟକ୍ରମର ମହତ୍ତ୍ୱକୁ ବୃଦ୍ଧି କରି ଟାଟା ଷ୍ଟିଲ୍ ପକ୍ଷରୁ ସେହି ସ୍ଥାନରେ ସ୍ୱତନ୍ତ୍ର ପ୍ରଦର୍ଶନୀ ଷ୍ଟଲ୍ ସ୍ଥାପନ କରାଯାଇଥିଲା, ଯେଉଁଥିରେ ଦୀର୍ଘସ୍ଥାୟୀ ଖଣି ଉତ୍ତୋଳନ ଏବଂ ଉନ୍ନତ ପରିବେଶ ଉପଯୋଗୀ ପ୍ରଯୁକ୍ତିବିଦ୍ୟା କ୍ଷେତ୍ରରେ କମ୍ପାନୀର ସଫଳତା ପ୍ରଦର୍ଶିତ ହୋଇଥିଲା । ଏହି ଆକର୍ଷଣୀୟ ପ୍ରଦର୍ଶନୀ ଷ୍ଟଲଗୁଡ଼ିକରେ ଅତ୍ୟାଧୁନିକ ପରିବେଶ-ଅନୁକୂଳ ପଦ୍ଧତିଗୁଡ଼ିକୁ ପ୍ରଦର୍ଶିତ କରାଯାଇଥିଲା ।

ଏହି ଅଞ୍ଚଳରେ ଦାୟିତ୍ୱପୂର୍ଣ୍ଣ ତଥା ପରିବେଶ-ଅନୁକୂଳ ଖଣି ଖନନ ପାଇଁ ପ୍ରଯୁକ୍ତିବିଦ୍ୟାର ଉପଯୋଗ କରି ନୂତନ ମାନଦଣ୍ଡ ସ୍ଥାପନ କରିଥିବାରୁ ଦର୍ଶକ ଏବଂ ବିଶିଷ୍ଟ ବ୍ୟକ୍ତିମାନେ ଟାଟା ଷ୍ଟିଲର ପ୍ରଶଂସା କରିଥିଲେ ।