ବେଦାନ୍ତ ଆଲୁମିନିୟମ ‘ପ୍ରୋଜେକ୍ଟ ପଞ୍ଛୀ’ ମାଧ୍ୟମରେ ଓଡ଼ିଶା ଓ ଛତିଶଗଡ଼ର ୧୮୦ରୁ ଅଧିକ ଯୁବତୀଙ୍କୁ ଶିଳ୍ପଭିତିକ ଦକ୍ଷତା ପ୍ରଦାନ କରିଛି

ଭୁବନେଶ୍ୱର, ଅଗଷ୍ଟ ୧୪, ୨୦୨୬: ଭାରତ ଏକ ବିଶ୍ୱସ୍ତରୀୟ ମାନୁଫାକ୍ଚରିଂ ଓ ନବସୃଜନ କେନ୍ଦ୍ର ହେବା ଦିଗରେ ଦ୍ରୁତଗତିରେ ଆଗେଇ ଚାଲିଥିବାବେଳେ, ଦେଶର ଶିଳ୍ପ ପ୍ରଗତିରେ ଅଧିକ ସଂଖ୍ୟକ ଯୁବତୀଙ୍କ ଅଂଶଗ୍ରହଣ ପାଇଁ ସୁଯୋଗ ସୃଷ୍ଟି କରିବା ଏକ ବଡ଼ ସୁଯୋଗ ସହିତ ଅନିବାର୍ଯ୍ୟତା ମଧ୍ୟ । ବେଦାନ୍ତର ଅଧ୍ୟକ୍ଷ ଶ୍ରୀ ଅନିଲ ଅଗ୍ରୱାଲଙ୍କ ଦୂରଦୃଷ୍ଟିରେ ପରିଚାଳିତ ‘ପ୍ରୋଜେକ୍ଟ ପଞ୍ଛୀ’ ଏକ ଅଭିନବ ପଦକ୍ଷେପ ଭାବେ ଆରମ୍ଭ ହୋଇଛି । ଗ୍ରାମୀଣ ଭାରତର ଆର୍ôଥକ ଦୃଷ୍ଟିରୁ ଅନଗ୍ରସର ପରିବାରର ଯୁବତୀମାନଙ୍କୁ ସଶକ୍ତ କରିବା ଏହି ପ୍ରକଳ୍ପର ମୁଖ୍ୟ ଲକ୍ଷ୍ୟ । ଉଚ୍ଚଶିକ୍ଷାରେ ସହାୟତା, ଶିଳ୍ପ କ୍ଷେତ୍ର ସହ ପରିଚିତ ହେବାର ସୁଯୋଗ ଏବଂ ସମ୍ମାନଜନକ କ୍ୟାରିୟର ପାଇଁ ପଥ ସୃଷ୍ଟି କରି ଏହି ପଦକ୍ଷେପ ଯୁବତୀଙ୍କ ସ୍ୱପ୍ନକୁ ସଫଳତାରେ ପରିଣତ କରିବା ସହ ଭାରତର ମାନୁଫାକ୍ଚରିଂ, ଖଣି ଓ ଧାତୁ ଶିଳ୍ପ ପାଇଁ ଆଗାମୀ ପିଢ଼ିର ମହିଳା ପେସାଦାରଙ୍କୁ ପ୍ରସ୍ତୁତ କରୁଛି ।

ଏହି କାର୍ଯ୍ୟକ୍ରମ ଅଧୀନରେ ଇଞ୍ଜିନିୟରିଂ, ମ୍ୟାନେଜମେଂଟ, କମର୍ସ ଓ ବିଜ୍ଞାନ ବିଷୟରେ ଅଧ୍ୟୟନରତ ୧୮୦ରୁ ଅଧିକ ଯୁବତୀଙ୍କୁ ଓଡ଼ିଶା ଓ ଛତିଶଗଡ଼ରେ ଥିବା ବେଦାନ୍ତ ଆଲୁମିନିୟମ୍ର ବିଶ୍ୱସ୍ତରୀୟ କାର୍ଯ୍ୟକ୍ଷେତ୍ରରେ ଇଂଟର୍ନ ଭାବେ ନିୟୋଜିତ କରାଯାଇଥିଲା । ଏହା ମାଧ୍ୟମରେ ସେମାନେ ୩୦ରୁ ଅଧିକ ବ୍ୟବସାୟିକ ବିଭାଗରେ ପ୍ରତ୍ୟକ୍ଷ ଶିଳ୍ପ ଅଭିଜ୍ଞତା, ଏଆଇ ଆଧାରିତ ଶିକ୍ଷା ଏବଂ ବ୍ୟବହାରିକ ଜ୍ଞାନ ହାସଲ କରିବାର ସୁଯୋଗ ପାଇଥିଲେ ।

ସୁବ୍ୟବସ୍ଥିତ ପ୍ରୋଜେକ୍ଟ, ବିଭିନ୍ନ ବିଭାଗ ସହ ସମନ୍ୱୟ ଏବଂ ଶିଳ୍ପ ବିଶେଷଜ୍ଞଙ୍କ ମାର୍ଗଦର୍ଶନ ମାଧ୍ୟମରେ ଅଂଶଗ୍ରହଣକାରୀମାନେ ଆଧୁନିକ ମାନୁଫାକ୍ଚରିଂ ଓ ଖଣି ପ୍ରଣାଳୀ, ସ୍ଥାୟୀ ବିକାଶ, ଡିଜିଟାଲ୍ ରୂପାନ୍ତରଣ ଏବଂ କର୍ପୋରେଟ୍ କାର୍ଯ୍ୟପ୍ରଣାଳୀ ସମ୍ପର୍କରେ ମୂଲ୍ୟବାନ ଜ୍ଞାନ ହାସଲ କରିଥିଲେ । ଶ୍ରେଣୀଗୃହରେ ହାସଲ କରିଥିବା ଜ୍ଞାନକୁ ବାସ୍ତବ ବ୍ୟବସାୟିକ ସମସ୍ୟାର ସମାଧାନରେ ପ୍ରୟୋଗ କରିବାର ସୁଯୋଗ ଦେଇ ଏହି କାର୍ଯ୍ୟକ୍ରମ ଯୁବତୀମାନଙ୍କୁ ଶିଳ୍ପ ସହ ସମ୍ପୃକ୍ତ ଦକ୍ଷତା, ପେସାଦାର ଅଭିଜ୍ଞତା ଓ କ୍ୟାରିୟର ପାଇଁ ପ୍ରସ୍ତୁତି ପ୍ରଦାନ କରୁଛି । ଏଥିସହ ଦ୍ରୁତଗତିରେ ବିକଶିତ ହେଉଥିବା ଭାରତୀୟ ମାନୁଫାକ୍ଚରିଂ ପରିବେଶ ପାଇଁ ଭବିଷ୍ୟତର ପ୍ରତିଭାବାନ ମାନବସମ୍ବଳ ଗଠନରେ ମଧ୍ୟ ଏହା ସହାୟକ ହେଉଛି ।

ଏହି ପଦକ୍ଷେପ ସମ୍ପର୍କରେ ବେଦାନ୍ତ ଆଲୁମିନିୟମର ସିଇଓ ରାଜେଶ କୁମାର କହିଛନ୍ତି, “ଭାରତର ବିକାଶ ଯାତ୍ରା ଏହା ଉପରେ ନିର୍ଭର କରିବ ଯେ, ସମାଜର ପ୍ରତ୍ୟେକ ବର୍ଗକୁ ଆମେ କେତେ ପ୍ରଭାବଶାଳୀ ଭାବେ ସୁଯୋଗ ଦେଇ ଆର୍ôଥକ ପ୍ରଗତିରେ ସାମିଲ କରିପାରୁଛୁ । ପ୍ରୋଜେକ୍ଟ ପଞ୍ଛୀ ମାଧ୍ୟମରେ ଯୁବତୀମାନଙ୍କୁ ଆଗକୁ ଆସିବା, ନିଜ ସ୍ୱପ୍ନ ପୂରଣ କରିବା ଏବଂ ଦେଶର ବିକାଶରେ ସକ୍ରିୟ ଯୋଗଦାନ କରିବାକୁ ଉତ୍ସାହିତ କରି ସମାବେଶୀ ବିକାଶ ପ୍ରତି ଆମର ପ୍ରତିବଦ୍ଧତାକୁ ଆମେ ଆହୁରି ସୁଦୃଢ଼ କରୁଛୁ । ଅଧିକ ବିବିଧ ଓ ସମାବେଶୀ ଭବିଷ୍ୟତ ପାଇଁ ଏକ ଦୃଢ଼ ଭିତିଭୁମି ଗଠନରେ ସହାୟକ ହେଉଥିବା ଏହି ପଦକ୍ଷେପକୁ ସମର୍ଥନ କରି ଆମେ ଗର୍ବିତ ।”

ବେଦାନ୍ତ ଆଲୁମିନିୟମ୍ର ମୁଖ୍ୟ ମାନବ ସମ୍ବଳ ଅଧିକାରୀ (ସିଏଚଆରଓ) ପ୍ରବୀଣ ପୁରୋହିତ କହିଛନ୍ତି, “ଆମେ ବିଶ୍ୱାସ କରୁ ଯେ ପ୍ରକୃତ ସଶକ୍ତୀକରଣ ସୁଯୋଗରୁ ଆସିଥାଏ । ପ୍ରୋଜେକ୍ଟ ପଞ୍ଛୀ ମାଧ୍ୟମରେ ଯୁବତୀମାନଙ୍କୁ ନିଜ ପ୍ରତିଭା ଅନ୍ୱେଷଣ, ମୂଲ୍ୟବାନ ଶିଳ୍ପ ଅଭିଜ୍ଞତା ହାସଲ ଏବଂ ସେମାନଙ୍କ ଆକାଂକ୍ଷାକୁ ସାର୍ଥକ କ୍ୟାରିୟରରେ ପରିଣତ କରିବା ପାଇଁ ସୁଯୋଗ ପ୍ରଦାନ କରୁଛୁ । ଏହି ପ୍ରତିଭାବାନ ଯୁବତୀମାନେ ବାଧା ଦୂର କରି ଆର୍ôଥକ ସ୍ୱାଧୀନତା ହାସଲ କରିବା ସହ ନିଜ ନିଜ ସମୁଦାୟରେ ଆଦର୍ଶ ଭାବେ ଉଭା ହୁଅନ୍ତୁ ବୋଲି ଏହା ଆମର ଲକ୍ଷ୍ୟ । ଯେତେବେଳେ ମହିଳାମାନଙ୍କୁ ଶିଖିବା, ଯୋଗଦାନ କରିବା ଓ ସଫଳ ହେବାର ସୁଯୋଗ ମିଳେ, ସେତେବେଳେ ଏହାର ପ୍ରଭାବ କେବଳ ବ୍ୟକ୍ତିବିଶେଷଙ୍କ ମଧ୍ୟରେ ସୀମିତ ରହେ ନାହିଁ; ବରଂ ପିଢ଼ି ପରେ ପିଢ଼ି ଦୀର୍ଘସ୍ଥାୟୀ ପରିବର୍ତନ ଆଣିଥାଏ ।”

ଏହି କାର୍ଯ୍ୟକ୍ରମରେ ଇଞ୍ଜିନିୟରିଂ, ମ୍ୟାନେଜମେଂଟ, କମର୍ସ, ଇକୋନୋମିକ୍ସ, ବାୟୋଟେକ୍ନୋଲୋଜି, କେମିଷ୍ଟ୍ରି, ଫିଜିକ୍ସ, ଗଣିତ ଓ ଡାଟା ସାଇନ୍ସର ଛାତ୍ରୀମାନେ ମାନୁଫାକ୍ଚରିଂ, ଖଣି, ଅର୍ଥ, ସ୍ଥାୟୀ ବିକାଶ, ଡିଜିଟାଲ୍ ରୂପାନ୍ତରଣ, ଲଜିଷ୍ଟିକ୍ସ, କମର୍ସିଆଲ୍‌, କ୍ୱାଲିଟି, ପରିବେଶ, ବୃତିଗତ ସ୍ୱାସ୍ଥ୍ୟ, ପ୍ରଶାସନ, ସିଏସ୍‌ଆର୍ ଏବଂ ବିଜନେସ୍ ଏକ୍ସଲେନ୍ସ ସମେତ ବିଭିନ୍ନ କ୍ଷେତ୍ରରେ ବାସ୍ତବ ବ୍ୟବସାୟିକ ପ୍ରୋଜେକ୍ଟରେ କାମ କରିଥିଲେ । ପ୍ରୋଜେକ୍ଟଭିତିକ ଶିକ୍ଷା ଓ ବ୍ୟବସାୟିକ ଟିମ୍ଗୁଡ଼ିକ ସହ ଘନିଷ୍ଠ ସହଯୋଗ ମାଧ୍ୟମରେ ସେମାନେ ଭାରତର ଅନ୍ୟତମ ବୃହତ୍ ଆଲୁମିନିୟମ୍ ଉତ୍ପାଦକର ଅପରେସନ୍‌, ପ୍ରଯୁକ୍ତି ଓ ବ୍ୟବସାୟିକ ପ୍ରକ୍ରିୟାର ବିଭିନ୍ନ ଦିଗ ସମ୍ପର୍କରେ ପ୍ରାକ୍ଟିକାଲ୍ ଜ୍ଞାନ ହାସଲ କରିଥିଲେ ।

ଶିଳ୍ପ କ୍ଷେତ୍ରରେ ପରିବର୍ତନଶୀଳ ଆବଶ୍ୟକତାକୁ ଦୃଷ୍ଟିରେ ରଖି ଏହି କାର୍ଯ୍ୟକ୍ରମରେ ଡିଜିଟାଲ୍ ଦକ୍ଷତା ବିକାଶ ଓ ନବସୃଜନଭିତିକ ଶିକ୍ଷା ଉପରେ ବିଶେଷ ଗୁରୁତ୍ୱ ଦିଆଯାଇଥିଲା । ଅଂଶଗ୍ରହଣକାରୀମାନେ ଏଆଇ ଆଧାରିତ ଟୁଲ୍‌, ଡିଜିଟାଲ୍ ରିପୋର୍ଟିଂ ପ୍ଲାଟଫର୍ମ, ବିଜନେସ୍ ଇଂଟେଲିଜେନ୍ସ ସିଷ୍ଟମ୍ ଏବଂ ଆନାଲିଟିକ୍ସ ଆଧାରିତ ନିଷ୍ପତି ଗ୍ରହଣ ପ୍ରକ୍ରିୟା ସହ ପରିଚିତ ହୋଇଥିଲେ । ଆଧୁନିକ ଶିଳ୍ପ କାର୍ଯ୍ୟପ୍ରଣାଳୀକୁ କ୍ରମଶଃ ପ୍ରଭାବିତ କରୁଥିବା ଉଦୀୟମାନ ପ୍ରଯୁକ୍ତି ସମ୍ପର୍କରେ ମଧ୍ୟ ସେମାନେ ପ୍ରତ୍ୟକ୍ଷ ଅଭିଜ୍ଞତା ହାସଲ କରିଥିଲେ ।

ଏହାବ୍ୟତୀତ, ଅନେକ ଛାତ୍ରୀ ପ୍ରକ୍ରିୟାର ଅନୁକୂଳନ, ଅପରେସନାଲ୍ ଏକ୍ସଲେନ୍ସ ଓ ସ୍ଥାୟୀ ବିକାଶ ସମ୍ପର୍କିତ ପ୍ରୋଜେକ୍ଟରେ କାମ କରି ବାସ୍ତବ ବ୍ୟବସାୟିକ ଆବଶ୍ୟକତା ଅନୁଯାୟୀ ସମାଧାନ ବିକଶିତ କରିଥିଲେ । ଏହି ଗଭୀର ଶିଳ୍ପ ଅଭିଜ୍ଞତା ମାଧ୍ୟମରେ ଅଂଶଗ୍ରହଣକାରୀମାନେ ଶିଳ୍ପର ଭବିଷ୍ୟତକୁ ଗଢ଼ୁଥିବା ପ୍ରଯୁକ୍ତି, କାର୍ଯ୍ୟପ୍ରଣାଳୀ ଓ ନବସୃଜନର ବିଭିନ୍ନ ଢାଂଚା ସମ୍ପର୍କରେ ଜ୍ଞାନ ହାସଲ କରିବା ସହ ଦ୍ରୁତ ପରିବର୍ତନଶୀଳ କର୍ମକ୍ଷେତ୍ରର ଆଗାମୀ ସୁଯୋଗ ଓ ଆହ୍ୱାନ ପାଇଁ ନିଜକୁ ଅଧିକ ପ୍ରସ୍ତୁତ କରିପାରିଛନ୍ତି ।